منتديات جناب الهضب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
المؤسس والمدير والمالك
مرعي بن علي آل سعد

اذهب الى الأسفل
jnabcom
jnabcom
مستشار منتديات جناب الهضب
مستشار منتديات جناب الهضب
عدد المساهمات : 3795

معلقة هذيل  (مفاخر قبيلة هذيل ) Empty رد: معلقة هذيل (مفاخر قبيلة هذيل )

الأحد 22 نوفمبر 2020 - 21:13
المعلقة للشاعر 
صالح بن دخيل الله المطرفي الهذلي  "فارس الصحراء" 
jnabcom
jnabcom
مستشار منتديات جناب الهضب
مستشار منتديات جناب الهضب
عدد المساهمات : 3795

معلقة هذيل  (مفاخر قبيلة هذيل ) Empty معلقة هذيل (مفاخر قبيلة هذيل )

الأحد 22 نوفمبر 2020 - 21:08
معلقة هذيل 
ألا يــا الله يــا خـالـق عـبـادك والعـبـاد أخـــوان
ورافـعـهـا وخـافـضـهـا ومعـطـيـهـا ومـحـرمـهـا



يا من تسجد لعظمتك العظايم يا عظيم الشان
وتلبـس مـن عظايـم جــودك الدنـيـا عظايمـهـا



وراسم بسمـة الرحمـه علـى ثغـر الحيـاه وزان
لنـا وجـه الحيـاه اللـي حياهـا مــن تبسمـهـا



توفقـنـا يـــا خالـقـنـا وتـرزقـنـا مـــن الـغـفـران
ثيـابٍ ضافيـه نلبـس علـى التـقـوى عمايمـهـا



ومن فضلك تجملنا بفضلك مـع هـل الإحسـان
رجـــالٍ روسـهــا لنفـوسـهـا تـرفــع مكـارمـهـا



عيـال الشايـب اللـي للمواقـف عقـب الشـبـان
قرانـيـس الـحـرار الـلــي مخالـبـهـا تدسـمـهـا



هذيـل أهـل الشهامـه والكـرامـه والزعـامـه لآن
مـا يقعـد فـوق سـطـح الأرض عـربـانٍ نكلمـهـا



أهل عرمه وأهـل كرمـه مـع العـدوان والصدقـان
لحـاً نـكـرم عــن الحـاهـا كــرم والـحـاً نكرمـهـا



وأهل مكسب وأهل منسب عريب معرّب الجدان
صـحـيــحٍ عــدهــا مــــن جدهاوالـحـدلازمـهـا



شجاعتنـا لهـا ضيـفـة وكرمتـنـا لـهـا ضيـفـان
ولا نحسـب حسـاب القـوم عنتـرهـا وحاتمـهـا



هل التاريـخ والتاريـخ مـا يرضـى هـل الجحـدان
يــــدق اخـشـومـهـا بعـلـومـهـا ولاّ يـخـرمـهــا



لـهـم فالجاهلـيـة قـبـل ديــن الـواحـد الـديـان
فـعــولٍ عـدهــا ديـوانـهـم واثــبــت معـالـمـهـا



فـي ديـوان القبايـل كلهـا وهذيـل فــي ديــوان
لكـثـر أشعـارهـا وأخبـارهـا وافـعــول اكـارمـهـا



ووطنا مهبـط الوحـي الشريـف وخيـرة الأوطـان
ديــار أم الـقـرى وأم الـقــرى ربـــي معظـمـهـا



وفيهـا اختارنـا الله لجـل نسكـن خيـرة البلـدان
وشـرفـنــا بحـرمـتـهـا وكـعـبـتـهـا وزمـزمــهــا



وصار اطيـب رسـولٍ فـي بلدنـا وأطيـب الأديـان
وهـي خاتـم رسالـه مرسـلاً فالرسـل خاتمهـا



وصـرنـا السابـقـيـن الأولـيــن لـعــزة الإيـمــان
مع أهـل السبـق فالإسـلام اعاربهـا واعاجمهـا



وشرفـنـا عظـيـم الـجـاه يــوم يـنـزّل الـفـرقـان
على سبع ألهجـات ولهجـة الهـذلان تحسمهـا



وبعد شلنـا البيـارق فالمشـارق والمغـارب دان
لـنـا بـحــر الـحـيـاه وبـرهــا ومـلــوك اوادمـهــا



وطلـع منـا ملـوكٍ فـي وطـنـا تلـبـس التيـجـان
مفاخرهـم عظيمـه سـجـل التـاريـخ معظمـهـا



وكـان المجـد يكتـب للقبيلـة عقـب شـيٍ كـان
لفـارسـهـا وشـاعـرهــا وتـاجـرهــا وعـالـمـهـا



وحنـا مـن مواميـن القضـاء فالحـضـر والـبـدوان
ومقطـع حـق فـي شبـه الجزيـره مـن قدايمهـا



ولسان الحجة اللي ما لها بين الخصوم لسـان
وهــل القـانـون والكـانـون والحـكـمـه نحكـمـهـا



ولاجــت للفـعـول افعولـنـا مــا دونـهــا نـكــران
يـقـف مــن دونـهـا التـاريـخ يثبتـهـا ويدعمـهـا



أخذنا جوخـة الباشـا وأخذنـا مشلـح السلطـان
وجبنا اسر العرب من ريّـس الحبشـه وحاكمهـا



وحـنــا لا درج حـبــل الـحــروب ودرّج الـعــدوان
نطـع الـنـار فجـمـوع الأعــادي لـيـن نشعمـهـا



وأهل بندق وأهل شلفا وأهل خنجر ورمـح وزان
وأهل حدب السيوف اللي تبسم عـن ملاثمهـا



لـيـا مــن المـعـارك فـالـمـدارك جـالـهـا ربـــان
بعـد مـا دقّـرت عنهـا الصبـاء وأرخــت قوادمـهـا



ودنّـت واجرسـت صنـع الفرنـج وجالـهـا دنــدان
وجــاء مـثـل الصـواقـع فــأول الهـيّـه تصـرمـهـا



صخيفـات الرقـاب اللـي تـقـول أرقابـهـا ديـبـان
يخـش المـوت بيـن ضلوعهـا ويثـور مــع فمـهـا



عريضات الخشيب اللي تحالي لشقر الجنحان
كـبـيــراتٍ كـراسـيـهـا صـغــيــراتٍ بـراطـمـهــا



يلاعبها السراب مـن آخـر الحبـه اليـا النيشـان
واصابـعـهـا مـرقــدتٍ تـحــت فــيــة مـلازمـهــا



طويـلات القـرون اللـي مراكزهـا علـى الذرعـان
مـع ايمـان العيـال اللـي تـعـدي عــن لوازمـهـا



شعاشيع الرماه اللي ليا ضفوا علـى البيشـان
تفـرقـع دونـهـا صــم الـرواسـي مــا تصادمـهـا



عيـالٍ فـي شماريـخ المغيـره تلطـم الفـرسـان
عـلـى رايــة شـيـوخٍ ف أول الـعـيّـال تكعـمـهـا



وقالـوا كـل مـا شافـوا جـمـوع امليـمـه واكــوان
علاهـا لا ارحـم الله حــي ابــو منـهـو مليمـهـا



ولا أرخوا ضمرٍ شيٍ رسـن منهـا وشـي اعنـان
تشـوف المـوت كاشـر للأعـادي فــي قوايمـهـا



وجوهم مثل سرحي الجراد اللي على عمـدان
كـثـيـر وبرقـعـوهـم هـيــةٍ ذاقــــو مـواسـمـهـا



وصكوا فوقهم شلـفٍ لهـا مثـل الرمـوش اعيـان
وخلوهـم مثـل مطـوى الصحفيـه يــوم تبرمـهـا



وكـزوا فـوق لـبـاس المـجـوخ واكـثـر الشيـخـان
وخـلـو للحيـايـا الـرقـط لـعـبٍ فــي جماجمـهـا



وسلم اللي سلم واللي طرح خلوه للسرحـان
وزادٍ لـلـقـبــور ولـلـطـيــور ومـــــا يـلاحـمـهــا



وردوا فوق مقصور الدبـش والطـرش والهيشـان
وهــدوا وبـجــدوا مرحـانـهـا واخـــذوا غنايـمـهـا



وقادوا في مرس القـود وستقفـوا علـى الذيـدان
وعـاجـت للصـغـار ارقـابـهـا واعـطــت تـرزمـهـا



وحـازوا وازبـروا مــال المـعـادي كـنـه الضلـعـان
وجماهيـر الـغـروس بروسـهـا ربــي مسلمـهـا



مداغيش العيـال اللـي ليـا طـال النهـار وشـان
سبـاعٍ فـي حميـم الهـوش مـا تـبـرد عزايمـهـا



بـدون قصـور فـي كـل القبايـل مـا لهـا نسيـان
وكل رجـال مـن فعـل الرجـال اتجيـب مقسمهـا



وهاذي نبذةٍ في ما مضى من ماضـي الازمـان
هجـوسٍ فـي ضميـري صغتهـا مانـي بكاتمهـا



تماثـيـل هـذلـيٍ مـطـرفـيٍ مـــن ذوي عـــلان
اقـــدم جـابـتـي بـيــن الـنـشـامـا واتـقـدمـهـا



وانا اللي فاللقاء شاعر وانا اللي فاللزوم حصان
وامـيّــز فـالـسـوالـف وازن الـهـرجــه وولـمـهــا



ولا جـات القصايـد مثـل نضـوٍ مـن حـرار عـمـان
امـس اشـدادهـا واكــرب سفايفـهـا واخطمـهـا



واختمهـا بذكـر اللـي بذكـره ينـخـزا الشيـطـان
وذكـره خـاتـم الـرسـل الـكـرام الـلـي يختمـهـا
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى